GEOF310 /  Timeplan (liste)
Pensum
UndervisningssemesterHaust
EksamenssemesterDet er ordinær eksamen kvart semester
UndervisningsspråkEngelsk, norsk dersom berre norskspråklege studentar.
Krav til studierettFor oppstart på emnet er det krav om ein studierett knytt til eit masterprogram/Ph.d-utdanninga ved Det matematisk-naturvitskaplege fakultet, samt at du oppfyller ev opptakskrav
Mål og innhaldKurset gir ei innføring i turbulens og energifluksar i atmosfæren sitt grensesjikt og havet sitt blandingslag. Målet er å gje studentane eit grunnlag for vidare studiar innan dette feltet, og å gi studentane tilstrekkeleg bakgrunn for å vurdere turbulente prosessar si tyding for andre problemstillingar innan meteorologi, oseanografi eller klima. Emnet dekker homogen turbulensteori med spektrale metodar, definering og måling av turbulente fluksar, og verknaden av sjikting i grenselaga i atmosfæren og i havet. Budsjettlikningane for turbulent kinetisk energi og temperaturvariasjonar vil verte utleia og dei ulike ledda vert diskutert. Det vil bli fokusert på sentrale eigenskapar ved ulike prosessar i blandingslaget i havet og i grenselaget til atmosfæren. Profilane til ulike sporstoff samt hastigheitar og dei turbulente fluksane i atmosfæren og i havet vert skildra og diskutert for ulike pådrag. Det vil også bli gitt ein oversikt over vanlege metodar for bruk av ulike instrument og målingar.
Læringsutbyte/resultatEtter fullført emne skal studenten kunne: - skildre og samanlikne dei sentrale eigenskapane til grenselaga i atmosfæren og i havet - identifisere og skissere profilane til sporstoff og turbulente fluksar i grenselaget i atmosfæren og i havet under ulike forhold - skildre og diskutere dei ulike uttrykka for turbulent kinetisk energi i budsjettlikningane - skissere eit ideelt energispekter og diskutere dei forskjellige områda i spekteret - forklare problemet med turbulent lukking og skildre dei ulike metodane for å løyse dette - velja strategiar for instrumentering og prøvetaking for måling av turbulente straumar i atmosfæren og havet - utrekne og tolke nøkkelparameterar slik som fluksar og turbulent kinetisk energi frå eit datasett ved bruk av direkte og indirekte metodar
Krav til forkunnskaparBachelor i meteorologi og oseanografi eller tilsvarande.
Tilrådde forkunnskapar
Fagleg overlapp
Obligatoriske arbeidskravGodkjende oppgåver
VurderingsformerMunnleg eksamen. Tillatne hjelpemiddel på avsluttande eksamen: ingen.
Karakterskala Ved sensur av emnet vert karakterskalaen A-F nytta.
UndervisningsstadBergen
Emneevaluering Studentane skal evaluere undervisninga i tråd med UiB og instituttet sitt kvalitetssikringssystem.
Kontaktinformasjon Studiekonsulent på Geofysisk institutt: studierettleiar@gfi.uib.no
|
